既然唔知幾時先可以通關，不如就係香港整返個偽日本一日遊止下癮先啦！今次帶大家黎將軍澳黎個偽日本之旅啦！
講下有咩行程先啦，首先會去將軍澳單車公園同大家睇櫻花，之後可以租架單車係沿住海濱慢慢踩欣賞美麗嘅景色。
做完運動大家都餓啦，咁就帶大家去Burger’s Friend Forever食野啦！想知更多詳情，記得繼續睇啦！
睇完櫻花，大家都可以係公園散下步，海濱拍下拖啊！將軍澳近年發展都非常快，四周都充滿新起或者起緊嘅樓盤，係呢個急速發展嘅市區，難得仲有一個位置比大家輕鬆一下。
今次就帶大家黎到Burger’s Friend Forever，佢地嘅漢堡包都係用美國安格斯或澳洲和牛作餡，再配上質地鬆軟的麵包。係咁多款漢堡包當中，我覺得鵝肝安格斯漢堡最吸引，原塊煎香的鵝肝配上安格斯肉扒及無花果醬，鵝油香非常豐富且不會過膩。值得一試！
講得係偽日本之旅，當然會帶大家去日本人氣超市 Donki 行下啦！不過相信大家對Donki應該一啲都唔陌生啦！
將軍澳激安殿堂Donki新店位於將軍澳沿海的大型商場澳南海岸，由將軍澳港鐵站出發只需步行約5～8分鐘即可到達，新店佔地16,570 呎並將全天候24小時營業。
餐廳資料：
Burger’s Friend Forever
地址：將軍澳澳南海岸唐俊街23號MONTEREY Place 地下G22A號舖
電話：61131497
Comments