相信好多人同小編一樣，得閒放假都會去同另一半或者屋企人去睇場電影，完場就周圍行下商場，再搵個唔錯嘅餐廳食個飯，享受一個好休閒嘅日子。所以今集一日情旅就會同大家介紹一齣個人十分推介嘅電影《靈魂奇遇記》
PickMe岀發指南：
時間：15:30入場
地點：各大影院
PIXAR 出品，唔洗問都知必屬精品！《靈魂奇遇記》都係主打人生反思，用天馬行空嘅角色同故事設定帶出到底點先算有"人生意義"呢，就等我就好簡單介紹下個電影啦 (無雷)~
小編推介原因:
近年卡通電影都多咗用"人生" 同 "意義"做提材，好似《Coco 玩轉極樂園》同《Inside Out 玩轉腦朋友》等等，但背後帶出嘅意義同故事都唔同。而今次《靈魂奇遇記》會比之前嘅作品深奧，到底追求夢想先叫有意義呀，定係享受平凡生活都可以係有意義呢！
另外，保持高水平嘅仲有電影啲畫面，個人好中意個色調，而主角之一嘅「22號」亦非常得意，就算大家係想用比較輕鬆心態去睇都一樣係咁適合！
中午睇完電影，都係時候準備食晚飯啦！大家可以坐地鐵去返油麻地，今次介紹嘅餐廳主打平民台灣菜 - 台食館。小編之前已經食過一次架啦，覺得個價錢對得住個食物質數呀。
當中必食招牌蛋餅，佢地有好多種唔同蛋餅，好似芋泥肉鬆蛋餅、香腸蛋餅、同香港人最愛嘅芝士蛋餅。我地就叫左肉鬆蛋餅、香腸蛋餅、鹽酥雞撈面、豬軟骨肉燥飯、紅燒牛肉麵等等 (2餐嚟，唔好以為我地咁大食呀)。
小編我就好中意牛肉麵個面底，刀削麵好有口感，而且刀削麵索晒啲牛肉湯好好味，不過就唔太推介滷豬軟骨肉燥飯啦，豬軟骨唔算好淋軟。
值得一提嘅係，餐廳姐姐服務質素好好，有好禮貌咁推介招牌菜同飲品比我地，Good！
其實小編都幾中意睇電影，嚟緊都會Keep住同大家分享好嘅電影同餐廳，等大家可以忙裡
偷閒咁過住每一日啦！
餐廳資料
店名:台食館 TW Yummy
地址:油麻地彌敦道499號獨立大廈地舖
Open Rice食評: https://cutt.ly/3z5p8Az
其他資料
細數11大靈魂奇遇記Soul片尾彩蛋+隱藏細節
Comments